Balik ke Perumnas, Harap hati-hati

Balik ke Perumnas, Harap hati-hati

0

Seputarsumsel.com-Palembang,
Bagi wargo PALEMBANG agar harap selalu berhati hati ya, soalnyo kemarin ado angkot jurusan PERUMNAS – AMPERA yg misterius ( gambar angkot yang di foto ASLI tapi maaf no trayek disamarke) dan jangan sampe kejadiannyo terulang samo diri kito apolagi samo dulur-dulur kito gek.

Kejadian nyo yang diceritokan oleh korban tepatnyo lur pada malem selasa kemarin kiro-kiro jam 9 lebih 30 malem lah, ado sikok penumpang yang jugo karyawati baru balik begawe di salah satu mall di Palembang. Usianyo kiro-kiro 21 tahun dan balik di jalan Lakitan persisnyo di daerah Perumnas.

Malem kemarin perempuan (korban) ini naik angkot dan di dalem tersebut cuma dio dewek yang ado di dalem angkot itu, katek penumpang lain. Idak biasonyo hari itu sepi nian Kareno dak ado penumpang lain, terus angkot itu melaju berangkat ke arah tempat dio balek.

Mungkin Saking capeknyo, karyawati itu ngantok dan tetedok di dalam angkot. Tepat di jalan yg sepi (daerah BLK yang Gelep), karyawati itu tebangun dan meraso ado yg aneh, dio meraso angkot itu bejalan sangat pelan, lalu dio langsung melirik ke arah kemudi sang sopir, dan betapo tekejutnyo dio saat melihat ke depan, dimano angkot itu bejalan tapi dak ado sopirnya.

Tanpa menunggu lamo lagi si karyawati tersebut langsong nyereet.”Tolooong, tooolooong” dan karyawati tersebut langsong nolehke kepalak nyo ke arah jendela dan dibukaknyo dengan bermaksud mintak pertolongan, tapi siapo sangko ternyato tahunyo ado yang lewat dan saat ngeluarke kepalaknyo sang karyawati tersebut nambah TEKEJOT Lagi, karena cuma ado kepalak yang nongol di belakang mobel sambel ngomong

“JANGAN TERIAK BAE DEK, BANTU DORONGKE APO KAU NI!!. ANGKOTNYO MOGOKK KUBU” .

Your email address will not be published. Required fields are marked *